January 19, 2018-Healths

اچانک دل کے دورے سے جان بچانے کا زبردست طریقہ، صرف 4 گولیاں اپنے پاس رکھیں، معروف ماہر امراض قلب نے ایمرجنسی فارمولا بتا دیا

اسلام آباد (مانیٹرنگ ڈیسک) معروف ماہر امراض دل  اظہر محمود کیانی نے دل کے مریضوں کے لیے ایمرجنسی فارمولا بتا دیا ہے، ایک موقر قومی اخبار کی رپورٹ کے مطابق نیشنل یونیورسٹی سائنس اینڈ ٹیکنالوجی میں ملک کے معروف ماہر امراض قلب ڈاکٹر اظہر محمود کیانی جو کہ راولپنڈی انسٹی ٹیوٹ آف کارڈیالوجی کے سربراہ ہیں نے ایک تقریب کے دوران شرکاء کو دل کے عارضہ سے بچاؤ کے لیے ایک بہترین اورآسان نسخہ بتاتے ہوئے کہا کہ اچانک ہارٹ اٹیک سے ہونے والی اموات روکنے کے لیے ایک ہینڈی کٹ ہر وقت اپنے پاس رکھیں جس میں چار گولیاں

ڈسپرین، چار گولیاں اینجی سڈ اور ڈیپونڈ این ٹی فائیو سکن (Patch) موجود ہوں، معروف ہارٹ سرجن نے تمام لوگوں کو مشورہ دیتے ہوئے کہا کہ اگر کسی کو سینے کے درمیان میں کھچاؤ اور درد محسوس ہونے لگے جو بائیں بازو یا گردن کے دونوں طرف بڑھنے لگے، اسے پسینہ آ جائے، رنگ زرد ہو جائے، سانس لینے میں دشواری محسوس ہو، ایسا محسوس ہو کہ جیسا اس کے سینے پر کوئی بیٹھا ہوا ہے اور اپنے اندر شدید بے چینی محسوس کرے تو دل کے دورے کی نشانی ہو گی، اس موقع پر متعلقہ مریض کو ایک ڈسپرین گولی چبا کر نگل جانی چاہیے اور زبان کے نیچے ایک گولی اینجی سڈ رکھ لینی چاہیے، سینے کے بائیں طرف Deponid این ٹی فائیو سکن (Patch) لگا لینا چاہیے، اس کٹ کی مجموعی لاگت صرف پچاس سے پچپن روپے ہو گی۔ اس موقع پر ماہر امراض دل اظہر محمود کیانی نے کہا کہ اس عمل سے ایکسپرٹ ڈاکٹر کے پاس جانے تک متعلقہ شخص موت کے منہ میں جانے اور فوری ہارٹ اٹیک سے بچ جائے گا۔ معروف ہارٹ سرجن نے اس موقع پر کہا کہ جن خواتین و حضرات کی عمر 40 سال سے زائد ہو چکی ہے انہیں تاکید کرتے ہوئے کہا کہ وہ اپنی کٹ تیار کرکے اندرونی جیب یا لیڈیز اپنے ہینڈ بیگ میں اپنے پاس رکھیں، اس طرح دل کا دورہ پڑنے سے آپ موت کا شکار ہونے سے محفوظ رہ سکتے ہیں۔

Like Our Facebook Page

Latest News