January 21, 2018.Entertainments

بالی ووڈ کے تینوں خانز نے پوری دنیا کے مسلمانوں کے جذبات کی ترجمانی کردی

اسلام آباد(مانیٹرنگ ڈیسک)اسرائیلی وزیر اعظم نیتن یاہو نے رواں ہفتے ہندوستان کا دورہ کیا ۔ اپنے 6 روزہ دورے کے دوران انہوں نے بھارت کی کئی معروف شخصیات سے ملاقاتیں کیں لیکن بالی ووڈ پر تین دہائیوں سے راج کرنے والے خانز اسرائیل کے وزیراعظم سے ملاقات نہ کرسکے ، سوشل میڈیا پر مختلف افواہیں زیر گردش ہیں ، کچھ کا خیال ہے کہ انہوں نے ملاقات سے انکار کردیا تو کچھ کاکہناتھا کہ خانز کو ملاقات کی دعوت ہی نہیں دی گئی ۔

سینئر صحافی حامد میر کا کہنا تھا کہ خانز نے اسرائیل کے وزیر اعظم سے ملاقات سے انکار اس وجہ سے کیا کیونکہ وہ فلسطین میں انسانیت کے خلاف جرائم میں ملوث ہے ،جبکہ ان کی حکومت نے بھی اقوام متحدہ میں فلسطین کے حق میں ووٹ دیا تھا۔واضح رہے کہ اسرائیلی وزیر اعظم نے دورے کے دوران بالی ووڈ لیجنڈ امیتابھ بچن سمیت نامور فلمی اداکاروں کے ساتھ ملاقات کی تھی اس کے علاوہ وہ تاج محل بھی گئے تھے جہاں انہوں نے اپنی اہلیہ کیساتھ تصویر کھنچوائی تھی۔

Like Our Facebook Page

Latest News