May 14, 2018-Entertainments

انتہائی کم عمری میں بھارتی اداکارہ زائرہ وسیم کس خطرناک بیماری کا شکار رہ چکی ہیں ؟ تہلکہ خیز انکشاف کر دیا

ممبئی (این این آئی)بولی وڈ فلم ’’دنگل‘‘ اور’ ’سیکریٹ سپر اسٹار‘‘ میں اداکاری کے جوہر دکھانے والی 17 سالہ زائرہ وسیم نے اعتراف کیا ہے کہ وہ بھی انتہائی کم عمری میں ’ڈپریشن‘ اور ’انزائٹی‘ جیسی ذہنی بیماریوں میں مبتلا رہ چکی ہیں۔خیال رہے کہ انزائٹی کو غیر یقینی کیفیت یا کچھ ناخوشگوار واقع ہونے کا ڈر کہا جا سکتا ہے۔اردو میں انزائٹی کے لیے بے چینی، پریشانی یا گھبراہٹ جیسی اصطلاحات استعمال ہوتی ہیں۔اسی طرح ’ڈپریشن‘ کے لیے اداسی، مایوسی اور دباؤ جیسی اصطلاحات استعمال کی جاسکتی ہیں۔’انزائٹی اور ڈپریشن‘ کو ذہنی بیماریاں قرار دیا جاتا ہے، ماہرین کے

مطابق اگرچہ اسے مکمل طور پر بیماری نہیں کہا جاسکتا، تاہم یہ بھی مرض کی ایک قسم ہے۔اس میں انسان ذہنی طور پر مفلوج ہوجاتا ہے، اسے ہر وقت مرنے کے خیالات آنے سمیت بھوک کا نہ لگنا، بھوک کا بڑھ جانا، بار بار غصہ آنا، ڈرنا، سانس لینے میں دشواری سمیت اسی طرح کے کئی مسائل ہوتے ہیں۔ 17 سالہ زائرہ وسیم نے 2016 میں ریلیز ہونے والی عامر خان کی فلم ’دنگل‘ میں ان کی ریسلر بیٹی ’گیتا پھوگٹ‘ کا کردار ادا کیا تھا، جس پر انہیں نیشنل ایوارڈ سے بھی نوازا گیا۔ان کی دوسری فلم 2017 میں ریلیز ہونے والی عامر خان کی فلم ہی ’سیکریٹ سپر اسٹار‘ تھی، جس میں انہوں نے گلوکارہ انسیا کا کردار ادا کیا تھا۔زائرہ وسیم کی دونوں فلموں پر انہیں نہ صرف نیشنل ایوارڈ بلکہ فلم فیئر اور اسکرین ایوارڈ سمیت دیگر ایوارڈز سے بھی نوازا جا چکا ہے۔

Like Our Facebook Page

Latest News