January 3, 2018.ڈیلی بائیٹس

جہاز کے اڑان بھرتے ہی پائلٹ نے ائیرہوسٹس کو زندگی کی سب سے شاندار خوشخبری سنادی، ہوا میں پل بھر میں پوری زندگی ہی بدل گئی کیونکہ۔۔۔

نیویارک(نیوز ڈیسک) امریکی شہر ڈیٹرائٹ سے اوکلا ہوما کے لئے اڑان بھرنے والی پرواز میں سوار ائرہوسٹس لارن گبز کو یہ تو معلوم تھا کہ یہ پرواز بہت خاص ہے، کیونکہ اسے لارن کا سب سے اچھا دوست پائلٹ ایمرسن اڑا رہا تھا، لیکن اسے یہ معلوم نہیں تھا کہ اسی پرواز میں اس کی زندگی کا نیا سفر بھی شروع ہونے جا رہا تھا۔ 

طیارے کے فضاءمیں بلند ہونے کے کچھ دیر بعد ایمرسن نے مائیک سنبھالا اور مسافروں کو مخاطب کرتے ہوئے بولے ”ہمیں اپنی منزل تک پہنچنے میں تقریباً 2 گھنٹے کا وقت لگے گا۔ ہماری بلندی 36000 فٹ ہے اور راستے میں کچھ ہچکولوں کا سامنا کرنا پڑ سکتا ہے۔“ یہ تو معمول کی معلومات تھیں، لیکن اس کے بعد نوجوان پائلٹ نے کچھ ذاتی نوعیت کی گفتگو شروع کر دی۔ وہ مسافروں کو بتانے لگے ”اس پرواز میں ہمارے ساتھ لارن بھی محو سفر ہیں۔ لارن اور میرے لئے یہ دن بہت خاص ہے کیونکہ یہ ہماری محبت کی پہلی سالگرہ ہے۔ وہ ہماری بہترین ائرہوسٹسوں میں سے ایک ہیں اور میری زندگی میں سب سے اہم شخصیت بھی ہیں۔ میں اس دن کو ہم دونوں کے لئے یادگار بنانا چاہتا ہوں اور اعلان کرتا ہوں کہ میں اپنی تمام عمر لارن کے ساتھ گزارنا چاہتا ہوں۔ میں لارن سے گزارش کرتا ہوں کہ پلیز یہاں طیارے کے سامنے والے حصے میں آ جاﺅ۔“اس کے بعد ایمرسن کاکپٹ سے باہر آئے اور اسی دوران لارن بھی طیارے کے اگلے حصے میں پہنچ چکی تھیں۔ ایمرسن ان کے سامنے ایک گھٹنے پر جھکے، انہیں شادی کی پیشکش کی، اور پھر ایک چمکتی دمکتی انگوٹھی جیب سے نکال کر لارن کی انگلی میں پہنا دی۔ اس موقع پر لارن کی خوشی بھی دیدنی تھی۔ وہ جھک کر ایمرسن کو پیار کرنے لگیں اور مسافروں کی تالیوں کے شور میں دونوں فرط جذبات سے ایک دوسرے کے ساتھ لپٹ گئے۔ شادی کی اس انوکھی پیشکش کی ویڈیو نے سوشل میڈیا پر دھوم مچا دی ہے۔ انٹرنیٹ صارفین پائلٹ ایمرسن اور ان کی ہونے والی دلہن ائرہوسٹس لارن کے لئے نیک تمناﺅں کا اظہار کر رہے ہیں اور انہیں ایک کامیاب ازدواجی زندگی کے لئے ڈھیروں دعائیں بھی دے رہے ہیں۔(l34o34o34

Like Our Facebook Page

Latest News